一個人

總有想獨處的時候。

在這個都市中,一椅難求。

要靜下來好好想一下突然改變的原因。
只是,靜不了。

想做什麼、該做什麼都已經分不清了。
一切都經由外在、衝動的力量驅動。
So not cool.

超越腦袋可function的範圍了。

Advertisements
Posted in mind | Leave a comment

恨晚

有無試過身邊有一個自己愛著、珍惜著嘅人, 但同時腦內不斷播著另一人的影像?

一日半日或者會覺得「嗯…幾新鮮丫, 咪當比個腦refresh下囉」
當呢個情況越來越密,  越來越清晰時, 大概大家未必可以繼續瀟灑落去…

更壞情況係, 當你已經認定原來的是命中注定的另一半…

你可能會開始質疑自己…
開始貪新鮮?
已經唔愛原來的那一個?

又應該如何?
繼續由得佢唔理?
全面檢討再由make decision?
定係要順其自然, 雙線發展?

一切都來得太快, 同時又來得太慢…
滿腦都只有四個字…相逢退晚。

Posted in mind | Leave a comment

世上最痛苦

塵世間最痛苦莫過於間房有蚊而你打佢唔到

Posted in Uncategorized | Leave a comment

日有所思, 夜有所夢…?

長久以來, 好多人都對「夢」有無限興趣,
用盡各種方法去諗兩個點解:「點解發夢」, 同「點解呢個發夢」

咁答案呢, 目前可以話分左兩個陣營 (都同好多其他事物一樣, 一個科學化, 一個靈異化)
因為本人就非常確信, 自己一定唔信「另一個陣營」,
咁就暫且只講講科學解釋。

科學家話:夢是腦在作資訊處理與鞏固長期記憶時所釋出的一些神經脈衝(就像打掃時揚起的灰塵或正被處理中的資訊流),被意識腦解讀成光怪陸離的視、聽覺所造成的…
簡單D黎講, 即係「你」有咁嘅記憶, 或者係好強烈嘅諗法,
令到你個腦記住左;當你訓覺嘅時候, 你個腦執執個hard disk時就將呢D咁強烈嘅野拎返出黎比你睇。

咁即係點?
即係科學, 可以話係認同「日有所思, 夜有所夢」

講完好似無講咁, 有乜啟示呢?

啟示就係, 當你發夢夢見一D平日都可以做嘅野, 就証明你嘅人生非常之滿足於現狀, 又或者已經無哂渴望… (咁都係因為你平時諗埋諗埋都係果D野先會發果D夢…)
又或者, 成日夢見一D平日唔做得嘅野 (呢度只係講真正做得到嘅事), 就可以講成為其實你成日壓迫自己, 或是被壓迫, 唔去做真正想做嘅事, 以致要發夢先黎做…

又, 如果真係咁, 我呢次真係有排煩…

(從某地方借圖一張)

Posted in leisure | Tagged , | Leave a comment

[(盡量)每日寫少少系列] Sync 公司e-mail

成日有人話, 「sync公司email?咪玩啦…洗唔洗咁工作狂?!」

我係其中一個會主動去sync嘅人
不過我都唔覺得我係一個工作狂, 最多係一個放假都會心掛掛嘅打工仔

我自己會咁睇
作為一個盡責嘅人(meaning: 對自己應該負責嘅事都會盡力負責, 唔單只某一樣野),
想隨時知道你所負責嘅事嘅最新發展,
其實係好正常, 好合理。
正如你會想無時無刻知道你男/女朋友行蹤,
keep住update你偶像呢一刻係咪喺某某女明星屋企共渡春宵。

不過, 正如所有其他事一樣,
乜都會有過火嘅一刻…即係如果你sync email不突只, 重24/7不停check, 不停覆,
咁你就好明顯係一個工作狂…又或者你太頹, 唔24/7不停做都做唔好你嘅份內事…

Posted in (盡量)每日寫少少系列 | Tagged | Leave a comment

[(盡量)每日寫少少系列]做節

唔同地方, 唔同種族嘅人都有呢個概念,
大部份人都會覺得, 節日, 要一家人一齊過一過, 起碼一餐飯。

黎到現在, 特別喺呢個成日覺得行慢一步都會死嘅香港,
做節, 好多時只係員工用黎早走, 客戶用黎耍你, 阿媽用黎叫你食飯嘅籍口。

慢慢, 有D人會開始忘記做節, 其實係為左每一個忙碌嘅日夜中, 抽個時間, 同最珍惜嘅人聚一聚。

其實由一開始, 每日都好應該同最愛嘅人, 做做節。

Posted in (盡量)每日寫少少系列 | Tagged , | Leave a comment

[(盡量)每日寫少少系列]一峰、二汶

題外話:

今天開始, 寫[(盡量)每日寫少少系列],
睇下「每日」可以維持幾多日。

又, 呢度嘅換日線係以晚上訓果覺為界。

==================

其實一路都幾喜歡呢兩位, 作為歌手, 作為好兄妹(?)
而佢地俾我嘅第一印象, 就係我一位前度女朋友,
當時嘅佢非常喜歡佢地 (現在都係), 咁我都順其自然咁聽下啦,
「好清新!」當時佢地嘅歌俾到我嘅感覺, 現在都係。

唔買碟都應該聽下 (最好都係買碟啦當然):

又, 人地演唱會都完咗, 宜家先寫, 遲唔遲d?

Posted in (盡量)每日寫少少系列, leisure | Tagged , | Leave a comment

如果叮噹繼續作落去…

話說,好日都唔去高登嘅我,某日上班開facebook時,
見到某某同事share嘅呢個小奧個blog (雖則我都的確有追開呢個blog),
又好唔小心咁開左第一篇黎睇, 結果, 當然係一睇就停唔到,工作效率急降…

事原高登之友「”鳥”不起」一日興致大發, 發表左第一篇以漫畫 – 叮噹為骨幹嘅改篇小說,
為早已經因為作者去世而夭折嘅叮噹發展二次生命。

雖然話係改篇故事,但係睇得出作者對原著果種熟悉,同認真地,盡力地將每一個人物,以及法寶都忠於原著,
從而令讀者,特別係有睇過原著嘅人(按: 又有幾個人會無睇過…?)更易投入。
對人物性格嘅描寫, 亦不禁會令人想像, 如果叮噹當年唔係少年漫畫, 而係成年小說,
大概故事情節都同呢個改篇相距不遠。

有心人所結集嘅google doc版: https://docs.google.com/document/edit?id=1gaUghCBWC6FZjhFGprQqGl2x08Hu5jOObD8chP3pDD8&hl=en&authkey=CNKspqAK&pli=1#

又, 再睇睇呢張圖
共通點係作者都已經過左身, 同埋爛左尾。
唔知「”鳥”不起」先生又有無興趣為小新落一落筆? (不過極有可能會以極甜故收場…)

Posted in leisure | Tagged | 1 Comment

唔係所有人都開得嘅書

即係咩書?面書 (facebook) 是也。

特首辦最新搞作,就係為特首辦自己,開設facebook page,「期望在facebook上繼續與網友見面交流」同埋「希望更快捷、更直接地向公眾介紹特區政府的政策立場,及對社會事物的看法,讓大家更全面、更立體地了解他們的工作,亦讓他們有機會分享一下工作上、生活上的點滴。

以政府一貫嘅高薪,去吸引一D迷途小羔羊,以自己個名去玩facebook,本來都無乜問題,
始終,呢位員工嘅生產力就算點低都好,都一定比某某局長為之高。

咁點解係要話唔係人人都開得呢?
大家睇下呢個screencap就知:"Upper Albert Road" screencap其實講到facebook,各大marketing及公關人都理應對佢又愛又恨,
是關佢雖然為大家提供左一個咁方便就可以達到「凝聚支持者/關注自己嘅人」.
同成為官方發佈第一手消息嘅免費渠道,係何其咁方便,又何其咁偉大;
但係其實,佢本身都已經係一個炸彈,重要係無計時果隻。
無事無幹好地地,個炸彈咪當裝飾咁放喺度,冇野格;
到你有D咩唔小心,行差踏錯嘅時候(好似某某國際武打巨星咁講左唔應該講嘅野),
呢本書,就足以成為哈利波特入面,會咬人果本書。
你想佢幫你手解釋下咩? 我係要咬你一啖,我重要同埋我班friend一齊黎咬你添。
咬你一啖半啖唔會死,但係都足夠令你後悔點解我要有呢一本書,
用簡單英文講句,就係”pain in the ass”,玩殘你唔洗本。

咁當然你可以話,行得正直得正,洗乜怕人講?
係嫁,唔洗怕嫁,不過唔係人人都好似你咁行得正直得正啫。
再退一萬步,唔好話你有無做咩衰野,
就憑你一直都喺人氣上企硬地低,都已經有足夠理據去同自己講,
開facebook,咪即係開多個政府總部門口比人嘈,
重要唔可以出動最令你自豪嘅香港警察去「維持社會秩序,必要時以最低武力令人群散去」

如果你真係咁想開,得,
到你有一日自己一個人企喺旺角body shop門口都無人想黎打鑊你,
又或者係據理力爭嘅時候,你就開啦。

Posted in Social | Tagged , | Leave a comment